بتقول صاحبة القصة كنا ثلاث بنات وفجأة بابا اتوفى في عز شبابه واضطرت ماما تنزل تشتغل لأنه مالناش دخل ولا ورث اخواتي الاتنين اخدوا الدبلوم ونزلوا اشتغلوا عشان يساعدوا ماما أنا بس اللي كنت في البيت اطبخ واغسل واروق وانضف واشتري الطلبات زائد مذاكرتي كنت بعمل كده بحب لأني شايفة قد ايه كل واحدة فيهم بتتعب وتشقى واتجوزت اختي الكبيرة وبعدها اختي الثانية وخلصت أنا معهد تمريض ونزلت اشتغل وكنت بعمل برضو كل شغل البيت والأكل زي ما تعودت
بالإضافة لخدمة أمي اللي بدأت الأمر,,اض تكتر عندها وكنت بساعد اخواتي البنات برضو في بيوتهم لما ينفضوا أو تكون عندهم مناسبة بحجة ني الأخت الصغيرة الشاطرة اللهلوية. ولما وصلت لخمسة وعشرين سنة من غير خطوبة ولا جواز لأني كنت برفض اي عريس عشان أمي لحد ما اتقدملي جاري وكانت شـ,,ـقته في نفس بيت ماما وكل ظروفه مناسبة جدا اتجوزته وفضلت حياتي على نفس الوتيرة. شغلي وخدمة أمي واخواتي وبيتي سبع سنين جواز. مطحونة وزاد عليهم خدمة أهل زوجي وفجأة بدأت المشاكل بيني وبين جوزي عشان موضوع الخلف وقرر يطلقني برضو فجأة ورجعت لشقة أمي من تاني بدون أي حقوق أو مكسب من جواز سبع سنين معرفتش احوش قرش واحد المهم كانت حياتي زي ما هي لحد ما
ماتت أمي وجالي اكتئاب ودخلت في دوامة الأدوية النفسية لقيت نفسي وحيدة لا زوج ولا طفل ولا أم ولا أهل اخواتي كانوا كل واحدة في عيشتها سنة كاملة وانا شبه ميتة سيبت شغلي وقعدت شوية عند أختي وشوية عند الثانية وفي مرة الدكتور النفسي اللي بيعالجني وعارف ظروفي كلها قاللي انتي لازم ترجعي تعيشي حياتك وتشتغلي وهو عارف طبيبة شهيرة فاتحة مركز طبي كبير وفعلا اشتغلت عندها وبدأت حياتي ترجع تاني وبرضو مستمرة في العلاج النفسي وفي المركز كان فيه شخص في الإدارة مع زوجته اتعرفت عليها واتصاحبنا وعرفتهم وحبيـ,,ـتهم وحبيت كمان بنتهم الصغيرة. لكن الشخص ده بدأ. يتقرب ليا ويهتم بيا جدا وانا اللي عمري ما حد اهتم بيا لكن زوجته كانت قدام عيني مستحيل أستجيب له وأخونها
لكن هو كان عارف كويس اوي احتياجي للعطف والحنان ونجح أنه يرمي شباكه حواليا وفي يوم لقيته جاي مع والده ووالدته عشان يخطبني بدون ما حد من أهلي يعرف وطلبوا مني أن الجواز يكون عرفي عشان زوجته وبنته والمشاكل أنا كنت فاقدة السيطرة على مشاعري وما صدقت لقيت عيلة وناس. وأهل وفعلا عرفت اخواتي البنات ومع حالتي النفسية سكتوا أما هو فكان أول شرط اني ما اخلفش لحد ما الدنيا تستقر ونتجوز رسمي فقولت له أصلا احتمال حملي ضعيف واني اتجوزت سبع سنين بدون حمل. حبيته وحبيت عيلته وكنت بخدمهم بعينيا لأنه قاللي أن سبب مشاكله مع مراته أنها مش بتحب أهله ولا
بتساعدهم وثقت في أبوه ثقة عمياء لأنه كان بيعاملني كأني بنته بالظبط ولما جوزي طلب مني أشيل ورقة الزواج عند والده ماترددتش لحظة. وما بين شغلي اللي كنت بصرف مرتبي كله على البيت وهو مش بيدفع جنيه لأنه مطلوب منه يصرف على بيته التاني وعلى بنته كنت بستعمل حبوب منع الحمل لحد ما أثرت على وزني فوقفتها وكنت هستعمل وسيلة تانية لكن وسبحان الله حصل حمل ماكنتش مصدثة نفسي لما عملت اختبار وطلع إيجابي أنا اللي اتحرمت من طفل طول عمري لكن طبعا هو اتجنن ورفض الحمل وطلب مني أتخلص منه رفضت طبعا. واترجيته يسيبني أكمل يا عالم لو نزلته ممكن أحمل تاني
ولا لأ؟ لكن بدأيظهر منه الوش التاني ضرب وإهانة وخصام سابني شهر كامل ولما روحت لأهله في الأول ساندوني وقالوا لأ حرام تنزليه أسبوع واحد واتحولت حياتي لجحيم افتعل مشكلة في شغلي واتطردت بسببه اخواتي مبهدلني إهانة وشتيمة ومحدش منهم مستحملني أهل زوجي اتنكروا ليا وقالولي يا تسمعي كلام جوزك يا تبعدي عننا ولما جوزي لقا اني بعمله مشاكل عند أهله فمرة كنت بشتكيه عندهم اتصلوا بيه لقيته جاي ضـ,,ـرب وشتـ,,ـيمة وإهانة وقاللي أنا مش معترف باللي في بطنك نزليه أحسن لك فضلت اتحايل عليه وايوس أيده ورجله عشان يسيبني أكمل حملي ويكتبه باسمه لقيته دخل اوضة والده وجاب الورقة من الدولاب وقطـ,,ـعها وقالي مش عايز اشوف وشك تاني وشيلي شيلتك لقيت نفسي في الشارع لا زوج ولا أهل ولا شغل وفي بطني جنين محدش هيعترف بيه. ولا حد هيصدق اني كنت متجوزة. -منقول -لصاحبها إذا أتممت القراءة علق بالصلاة على النبي محمد عليه افضل الصلاة والسلام ولا تنسى التفاعل والمشاركة لتعم الفائدة 
